Este convenio fai referencia ás actuacións da Fase de I+D, que conta cun orzamento que ascende a 6.180.000,00€. Tal e como se pode deducir dos obxectivos do proxecto SMARTIAGO, estes resultan de interese xeral para a promoción económica, a innovación e o desenvolvemento tecnolóxico e a creación de emprego en Galicia, e están aliñados coas medidas de impulso ás actuacións de Compra Pública de Innovación recollidas nas RIS3 de Galicia.

Para o desenvolvemento do proxecto, GAIN achegará ao Concello de Santiago de Compostela o 10% do importe do gasto total das actuacións orzamentadas, ata un importe máximo de 618.000,00€. As achegas serán realizadas en diferentes aportacións durante as anualidades do ano 2019, 2020 e 2021.