Esta noche tuvo lugar, en la Plaza de Platerías, el encendido piloto de la iluminación inteligente de la Casa del Cabido, dentro de la iniciativa denominada Cromalux, enmarcada en el proyecto Smartiago, que tiene como objetivo el desarrollo de sistemas de alumbrado innovadores en edificios patrimoniales, que van a permitir reducir el consumo energético en un 80% y ralentizar el crecimiento de la biodiversidad sobre sus fachadas.
Neste acto, ao que asistiron o alcalde de Santiago, Xosé Sánchez Bugallo; o concelleiro responsable do proxecto Smartiago, Sindo Guinarte; o delegado do Goberno en Galicia, José Miñones; Sebastián Pantoja, director de Programas Estratéxicos de Televés; así como distintos membros da Corporación Municipal, procedeuse a iluminar a fachada da Casa do Cabido. É o primeiro resultado tanxible de Smartiago, a primeira das solucións aos retos plantexados: iluminación intelixente, mobilidade e xestión sostible de residuos sólidos urbanos. Constitúe o arranque da fase de experimentación, nun escenario real, e permitirá reafirmar os bos resultados obtidos até o momento nos laboratorios e a través dos diversos experimentos realizados polos profesionais da USC.
Os resultados até o momento son moi positivos. O programa piloto que se estivo levando a cabo no patio da antiga cárcere do Pazo de Raxoi arroxa uns datos esperanzadores. Os valores que está a reportar a USC son realmente interesantes no que atingue á retardación do crecemento da biota e o seu respecto á biodiversidade; seguindo a mesma liña de bos resultados que se estaban obtendo en laboratorio.
Cromalux
Cromalux é un proxecto froito da colaboración entre o Concello de Santiago de Compostela e Televés, que á súa vez ten acordos comerciais e de colaboración coa USC e Ferrovial. É a resposta ao reto exposto ao redor da iluminación ornamental e o coidado do patrimonio da cidade dentro do proxecto Smartiago. Mediante esta liña de Iluminación ornamental intelixente para a conservación do patrimonio, preténdese mellorar a iluminación pública e a conservación de fachadas de elevado valor patrimonial, accións que supoñen un custe de 3,5 millóns de euros ao ano en electricidade e mantemento de luminarias, un 9% do Capítulo 2 do orzamento anual do Concello.
Nunha cidade como Santiago de Compostela, Patrimonio da Humanidade, con elevada afluencia turística, a iluminación supón un valor engadido. Con esta contratación, realizada a través dunha Compra Pública de Innovación (CPI), o Concello pretende obter unha solución piloto que inhiba o crecemento de microbiota (organismos como líquenes) sobre os monumentos, facilitando a conservación dos mesmos a través da utilización de fontes monocromáticas ou policromáticas de luz LED, pero salvagardando a integridade física do patrimonio iluminado. Polo tanto, o proxecto Cromalux está dando resposta a esta necesidade, ao empregar a iluminación intelixente para protexer edificios e fachadas das agresións externas.
Este sistema de alumeado ornamental, pioneiro a nivel mundial adxudicouse a un consorcio do que forman parte a empresa Televés, Ferrovial e a USC (Universidade de Santiago de Compostela) por un importe de 613.581 euros, IVE engadido, cofinanciado nun 80% polo Fondo Europeo de Desenvolvemento Rexional.
As CPI, ou Compra Pública Innovadora non son compras de subministros. As empresas e entidades adxudicatarias comprométense a investigar e desenvolver a tecnoloxía que permita dar solución a problemas existentes. O paso seguinte é a explotación desa tecnoloxía, deses novos produtos desenvolvidos.
Smartiago
O proxecto Smartiago estase desenvolvendo en virtude dun convenio de colaboración da Liña FID (Fomento da Innovación desde a Demanda) entre o Ministerio de Ciencia e Innovación e o Concello de Santiago de Compostela. Trátase dun importante proxecto, financiado nun 80% polo Fondo Europeo de Desenvolvemento Rexional (FEDER) no marco do Programa Operativo Plurirregional de España 2014-2020. Tamén está cofinanciado pola Axencia Galega de Innovación (GAIN) nun 10%.
O proxecto Smartiago xa foi premiado polo Colexio de Enxeñaría Informática, e nestes momentos é finalista dos premios Procura + Awards, na categoría de 'Compra pública e innovación do ano'; e nos Premios Europeos de Adquisición da Innovación (EUIPA) 2021, outorgados polo programa Horizon Europe, co apoio do Consello Europeo de Innovación.